రాయపర్తి, జూలై 6 (టీజీ24): తెలంగాణ భూ రక్షణ సమితి వరంగల్ జిల్లా అధ్యక్షుడిగా రాయపర్తి మండలం కొత్తూరు గ్రామానికి చెందిన కందికట్ల రాజయ్య నియమితులయ్యారు. నియామక పత్రాన్ని బుగ్గ మైసయ్య అందజేశారు. అసైన్డ్ భూముల సాగుదారులకు యాజమాన్య హక్కులు కల్పించే దిశగా ప్రభుత్వంతో పోరాడి, జిల్లాలోని సాగుదారుల సమస్యల పరిష్కారానికి కృషి చేస్తానని కందికట్ల రాజయ్య తెలిపారు. ప్రజలు, ప్రజాప్రతినిధులు, అధికారులు సహకరించాలని ఆయన విజ్ఞప్తి చేశారు.