హైదరాబాద్, జూలై 6 (టీజీ 24): వరంగల్ జిల్లా గ్రంథాలయ సంస్థ నూతన చైర్మన్‌గా ఇటీవల నియమితులైన మీసాల ప్రకాష్ సోమవారం రాష్ట్ర అటవీ, పర్యావరణ, దేవాదాయ ధర్మాదాయ శాఖ మంత్రి కొండా సురేఖను హైదరాబాద్‌లో మర్యాదపూర్వకంగా కలిశారు. ఈ సందర్భంగా మంత్రి కొండా సురేఖ ఆయనకు అభినందనలు తెలియజేసి, గ్రంథాలయాల అభివృద్ధికి కృషి చేయాలని ఆకాంక్షించారు. ప్రజలకు అందుబాటులో ఉండే విజ్ఞాన కేంద్రాలుగా గ్రంథాలయాలను తీర్చిదిద్దేందుకు ప్రభుత్వం తరఫున సహకారం అందిస్తామని మంత్రి తెలిపారు.