వర్ధన్నపేట, జూలై 6 (టీజీ 24): వర్ధన్నపేట ఎమ్మెల్యే, విశ్రాంత ఐపీఎస్ అధికారి కేఆర్ నాగరాజు మడికొండలోని సోషల్ వెల్ఫేర్ రెసిడెన్షియల్ పాఠశాలను ఆకస్మికంగా తనిఖీ చేశారు. పాఠశాలలో విద్యార్థులకు అందుతున్న భోజనం, వైద్య సదుపాయాలు, వసతులు, విద్యాబోధనపై ఆరా తీసి, విద్యార్థులతో కలిసి మధ్యాహ్న భోజనం చేశారు. ఈ సందర్భంగా విద్యార్థులు కష్టపడి చదివి ఉన్నత శిఖరాలను అధిరోహించాలని, ఉపాధ్యాయులు వారి ప్రతిభను వెలికితీసేలా కృషి చేయాలని సూచించారు. కార్యక్రమంలో అధికారులు, కాంగ్రెస్ నాయకులు, విద్యార్థులు పాల్గొన్నారు.