రాయపర్తి, జూలై 08 (టీజీ 24): వరంగల్ జిల్లా రాయపర్తి మండల కేంద్రంలోనీ రైతు వేదికలో నిర్వహించిన కార్యక్రమంలో పాలకుర్తి ఎమ్మెల్యే యశస్విని రెడ్డి కళ్యాణలక్ష్మి–షాదీ ముబారక్ పథకాల కింద మండలానికి చెందిన 19 మంది లబ్ధిదారులకు మొత్తం రూ.19,02,204 విలువైన చెక్కులను పంపిణీ చేశారు. ఈ సందర్భంగా ప్రభుత్వం అమలు చేస్తున్న సంక్షేమ పథకాలను అర్హులందరూ సద్వినియోగం చేసుకోవాలని ఎమ్మెల్యే సూచించారు. కార్యక్రమంలో ప్రజాప్రతినిధులు, అధికారులు, కాంగ్రెస్ నాయకులు, కార్యకర్తలు పాల్గొన్నారు.