రాయపర్తి, జూలై 06 (తేజీ 24) జనసంఘ్ వ్యవస్థాపకుడు డాక్టర్ శ్యామ్ ప్రసాద్ ముఖర్జీ 125వ జయంతి సందర్భంగా రాయపర్తి మండల కేంద్రంలో బీజేపీ మండల అధ్యక్షుడు నూనె అనిల్ ఆధ్వర్యంలో ఘనంగా వేడుకలు నిర్వహించారు. ఈ సందర్భంగా శ్యామ్ ప్రసాద్ ముఖర్జీ చిత్రపటానికి పూలమాలలు వేసి నివాళులర్పించిన నాయకులు, ఆయన దేశ సమగ్రత, జాతీయ ఐక్యత కోసం చేసిన సేవలను కొనియాడారు. దేశం కోసం తన జీవితాన్ని అంకితం చేసిన గొప్ప దేశభక్తుడిగా ఆయనను గుర్తు చేసుకున్నారు. ఈ కార్యక్రమంలో జిల్లా బీజేపీ నాయకులు గడ్డం నరేందర్, మండల ప్రధాన కార్యదర్శి మందపురి రాజు, యువ మోర్చా జిల్లా అధికార ప్రతినిధి పెండ్యాల గణేష్, జక్కుల సందీప్ యాదవ్, రాకేష్, శివ, నేత్ర సాయి తదితరులు పాల్గొన్నారు.